Shillong, Jylliew 2: Ki Pulit ka Sadar Police Station bad ka Women Police Station hadien ba la pynlong ka jingwad bniah kila lap noh noh ïa khynnah kiba jah na Jorhat na kawei ka hoteh ha ka thain Police Bazar.
Katkum ka kyrwoh khubor na u SP ka East Khasi Hills u Bah Vivek Syiem u la ong, Hynnin ka sngi la ioh jingtip ba 4 ngut ki khynnah (2 shynrang bad 2 kynthei) ki la jah rngai na Jorhat.
Hadien kane ki Pulit kila pynlong ka jingwad bniah bad ka jingkhynra bad la lap ïa kine ki khynnah na ka J K. International Hotel, Police Bazar.
Ka rta jong kine ki khynnah ki long hapdeng ka 16 haduh 17 snem bad la lap ruh ïa u wei u shynrang uba la san uba la 26 snem bad ki.
Ha ka jingtohkit na ki khynnah kynthei kiba jah ki la pyntip ba ki dei ki paralok bad kiwei pat ki arngut ki khun ki dei ki para marjan.Ki la wan ha ka 31.05.26 bad ki la wan shang kai khlem da iathuh ïa ki kmie ki kpa.
Hynnin hi ka sngi ka kynhun pulit na Jorhat ryngkat bad kiba ha ïing ha sem jong ki khynnah ki la poi ha Sadar PS bad la aiti noh ïa ki khynnah sha ki.
