Mana u DC ban leit pynpra ïa ka Tbn N.S Shangdiar MS School

Nongstoiñ, K’lyngkot 17: U District Magistrate jong ka West Khasi Hills Bah Garod L.S.N. Dykes u la pynmih da ka hukum katkum ka kyndon 163 jong ka aiñ BNSS, 2023, ban khang lad ïa ka jingthmu ban leit pynpra ïa ka skul Tbn N.S. Shangdiar Memorial Secondary School kaba don ha Langja ha ka 18 tarik Kyllalyngkot 2025, kaba lah ban wanrah jingklumar bad ktah ïa ka suk ka saiñ ha ka Shnong Langja bad ki shnong ba marjan.
Lyngba kane ka hukum la khang pyrshah ban pynlong ïa kino kino ki jingïalang paidbah ha Langja, Khyllemsangrin, Ktiehthawiar, Umthlu, bad Mawribah, ban ïalum briew palat ïa saw ngut ha kine ki jaka bad la khang pyrshah ban pynpra ïa ka skul.
Kino kino kiba pynkheiñ ïa kane ka hukum, kin ngat ha ka jingshah pynshitom ha ki kyndon aiñ 223 jong ka BNSS Act 2023.
Kane ka hukum kan treikam noh mardor tad haduh ban da pynbna da kumwei pat.