Ai jinghikai ka CRCSRE kumno ban sumar ïa ki briew ba duna ha ki dkhotmet

0

Shillong, K’ Lyngkot 17: Ka ophis jong ka Composite Regional Centre for Skill Development, Rehabilitation & Empowerment of Persons with Disabilities (CRCSRE) – Shillong, hapoh ka jingpynïaid kam jong ka SVNIRTAR, Cuttack, Odisha, ka tnat Empowerment of Persons with Disabilities (Divyangjan), ka Ministry of Social Justice & Empowerment, Government of India, ka la pynlong ïa ka Zonal Level CRE Programme kaba ar sngi halor ka phang “An Integrative Approach – New Trends in Disability Rehabilitation” kaba la sdang naduh ka 16 tarik tarik haduh ka 17 tarik mynta u bnai, 2025 ha DERT Annex, Malki, Shillong, Meghalaya.
Ha kane ka prokram ki la don haduh 95 ngut ki riewshemphang kiba ïadei bad ki kam ai jingsumar na kylleng ki jylla jong kane ka thaiñ shatei lammihngi ka ri India kiba la buh ba kin ïoh ki jingmyntoi na kane ka prokram CRE. Kane ka jingsdang jong ka jingai jinghikai ka long kaba kongsan haba ïadei bad ki lad ai jingsumar ïa ki briew kiba duna ha ki dkhot met.
La ong ba ki Persons with disabilities (PwDs) ne ki briew kiba duna ha ki dkhot met bunsien ki donkam ïa ki lad ai jingsumar kiba kyrpang, ki jingtuklar bad ki jingkyrshan ban kyntiew ïa ki jinglong ki jingim jong ki bad ban pynlah ïa ki ba kin ïoh ka jingïashim bynta kaba pura hapoh ka imlang sahlang. Kane ka prokram ai jinghikai ka buh ka thong ban pyndon ïa ki briew kiba la tbit ha kane ka kam kiba don ki jingnang jingtip, ki sap bad ka jingsngewthuh kaba dei ka lad sngew synei kaba treikam bad ka jingsumar kaba long kum la ki jong ki para briew.
Ïa ka prokram la pynïaid da ka kong Camelia Doreen Lyngwa, M.C.S., Director of Social Welfare & Commissioner for Persons with Disabilities, ka sorkar jylla da ka jingdonlang ka kong R. Passah, Assistant Commissioner for Persons with Disabilities, ka sorkar jylla; bad ka kong Dianghunlang Chyne, Architect, Office of Chief Engineer, CPWD Shillong, Meghalaya.
Ïa ka jingai jinghikai la pynlong hapoh ka jingïalam jong u Dr. Ram Shakal Sahani, Director, CRCSRE Shillong, bad ka jingïatreilang ka Pranami Barua, Assistant Professor (Clinical Psychology), CRCSRE Shillong, bad u Rajesh Chettri, Assistant, CRCSRE Shillong.

Leave A Reply

Your email address will not be published.