Mad jingeh ki ri ha pyrthei ha ka Microsoft Windows Computers na ka daw ka BSOD bad Crowdstrike

New Delhi, Naitung 19 : Kiba bun ki ri ha ka pyrthei kynthup ïa ka ri India ki la mad jingeh ha ki Microsoft Windows 10 Computer namar ka jingshah ktah ha ka Blue Screen of Death (BSOD) na kaba update ïa ki komputer da ka security update ba la shna da ka kompani CrowdStrike. Kane ka la ktah ïa ki spah bad hajar ngut ki briew ha ka ri bad kylleng ka pyrthei naduh ki kompani haduh ki kad liengsuiñ, hospital bad wat ha ki ophis ruh.
Ka jingshah ktah jongki komputer kaba la sdang naduh hynnin ka sngi ka la pynlong ïa ki screen ban kylla rong blue beit kaba la tip kum ka BSOD ka dei hadien ba la update ïa ka security update ba la shna da ka kompani Crowdstrike. Kiba bun ki komputer kiba shah ktah ki dei ki Microsoft Windows 10 Computers. Na ka liang ka kompani Crowdstrike ruh ka la bna halor kane ka jingeh ba ki komputer ki shah ktah ne kata ka BSOD hynrei ki dang pyrshang ban wad bniah namar kumno kan ktah ha kylleng ki ri ka pyrthei.
Ha India kiba bun ki kad liengsuiñ ki la shah ktah ha ki bynta check in bad hap ban leh mynta da ka kti beit.