Shillong, Ïaïong 13: U Myntri Rangbah ka jylla Meghalaya u Conrad K Sangma u ïohbat ïa ka kyrdan ba 9 ha ka jingdon spah napdeng ki 30 ngut ki Myntri Rangbah jong ki jylla bad ki Union teritory ha ka ri pynpaw ka Association for Democratic Reform (ADR).
Kane ka jingpynmih ïa ka jingdon spah ki Myntri Rangbah ka dei ka kaiphod la pynkhreh da ka ADR hadien ba la bishar bniah ïa ki Affidavit kaba ki la aiti ha ka por ba ki thep kyrteng shuwa ban ïakhun ïa ka elekshon.
Ka kaiphod ka ADR ka kdew ba u Conrad K Sangma u don ka spah ka kot haduh T.14 klur tam bad udei ba bat ïa ka kyrdan kaba 9 napdeng ki 30 ngut ki myntri rangbah hapoh ka ri India baroh kawei.
Ka kaiphod ka ADR ka kdew ba u Myntri rangbah ba riewspah tam hapoh ka ri India udei u Myntri Rangbah ka jylla Andhra Pradesh u Jagan Mohan Reddy u ba don ïa ka spah haduh T. 510 klur, ïa ka kyrdan ba ar la bat da u Myntri Rangbah ka jylla Arunachal Pradesh u Pema Khandu u ba don T.163 klur bad ïa ka kyrdan ba lai la bat da u Myntri Rangbah ka jylla Odisha u Naveen Patnaik u ba don T.63 klur.
Kat kum ka kaiphod, dei ka Myntri Rangbah ka West Bengal ka Mamata Banarjee kaba duna tam ha ka jingdonspah kaba don tang 15.38 lak tyngka,
