Shillong, Nohprah 03 : U Myntri Rangbah ka jylla, Conrad K Sangma hynne ka sngi u la sam ïa ki cheque kiba dei na ka bynta ki skim bapher bapher sha ki nongïoh jingmyntoi ha ka jingïalang kaba long ha madan Umlyngka, Laimer ha ryngkat ka jingdonlang u Myntri ka tnad C&RD, Bah Hamlet Dohling.
Haba kren ha ka jingïalang, u Myntri Rangbah u la pyntip ba ki la don haduh 4.5 lak tylli ki longiing kiba la lah ban pynïasoh sha ka rep ka riang bad kumta ki prokram kum ka FOCUS bad FOCUS+ kin ïarap ïa ki nongrep ba kin pynheh bad pynïar shuh shuh ïa ka rep ka riang jong ki.
Nalorkata, u la ïathuh ruh shaphang ka Progress program kaba dei kyrpang na ka bynta ban plie lad ïa ki samla ban seng kam la jong ha ka ri syiar bad ri sniang.
Ha kane ka sngi, nalor ki cheque u Myntri Rangbah u la sam ruh ïa ki Identity card jong ka FOCUS+ sha ki nongïoh jingmyntoi.
