Lap metïap kynthei na khlaw Mawroh

0

Shillong, Risaw, 04: Ki paidbah kiba ju smat ban leit kheit tit ha khlaw Forest ba don markhap bad ka madan Golflink kaba dang hap hapoh u pud u sam jong ka shnong Mawlai Mawroh ha ka sngi Baar ki la kyndit kumba iuh tdong bseiñ ban lap ïa kawei ka met ïap jong kawei ka samla lud ïa kaba la suba ba kane ka samla ka la shah pynïap.
Ïa kane ka samla lud kaba ym pat lah satia ban tip kyrteng bad ka jaka sah la wan shimti noh da ki Pulit ka Pasteur Beat House hadien ba ki ïoh jingtip na ki nongkheit tit shaphang kane ka jingjia.
Hadien kane, ïa kane ka met jong kane ka samla la pynkit noh sha NEIGRIHMS Hospital, Shillong na ka bynta ban pyndep ïa ki jingdonkam katkum ki kyndon jong ka ain. Halor kane ka jingjia, ki Pulit ki la rejister case bad pynlong ruh ïa ka jingtohkit kaba bniah.

Leave A Reply

Your email address will not be published.