Nongpoh, Nailur 07: U Superintendent of Police ka Ri-Bhoi District u la pyntip ba ki pulit ka Ri-Bhoi kila ioh ban tam ïa kawei ka metiap jong u rangbah briew hapdeng jong u surok bah National Highway ha 12 mer Ri-Bhoi, bad haka jingtohkit ki pulit kila lap ba kam don kano kano ka dak mong haka met jong utei u briew bad la rah noh mar mar sha Civil Hospital Nongpoh ban leh ïaka Post Mortem ban lap ïaka daw bad hadien la buh haka jaka buh metiap ha katei ka Hospital.
Ki pulit kila ïathuh ruh ba utei u briew u dei u ba kham raikhoh, u don ruh u shñiuh ba iong, u phong da ka sopti rong blue, ka patlun lyngkot ba rong grey bad u panpoh ba iong bad la kyrpad ïa kino kino kiba ithuh ba kin phong ha u number 7005924932/7005888649 ban kam ïa ka met.
