Shillong, Jylliew 01: Ka India Meteorological Department (IMD) ha ka khubor ka la ai ka jingïathuh lypa (forecast) ïa ka jinglong jingman jong ka suiñbneng ha kaba ka la pyntip ba ha kine ki khyndiat sngi jong ka taïew ka lah ban don ka jingjur jong u lapbah ba kiba bun ki bynta jong ka jylla Meghalaya bad kiwei de ki jylla jong ka thaiñ shateilam mihngi, kynthup ïa ki bynta ba shathie jong ka ri India.
Shuh shuh na ka liang ka IMD ka la ïathuh ba naduh ka 3-6 tarik mynta u bnai kan sa don ka jingjur jong u slap bud lang bad ka jingtied pyrthat bad ka jingbeh lyer kaba kot sha ka 40-50 km ha ka shikynta, lyngba ka jingwan beh jong ka lyer kit slap Southwest Monsoon.
La ong ba kane kan kham kjah jur ïa ka jylla Meghalaya bad ka jylla Assam, ong ka kyrwoh na ka IMD.
