Lada lap ka DS Hingaria kan pynshitom da kaba tyngeh ïa ki kyrtong kiba sam pisa bad sam kyiad ha shnong

0

Khliehriat kyllalyngkot 13: Ka Dorbar Shnong Hingaria kaba hap hapoh ka 5-Sutnga Saipung Constituency, East Jaiñtia Hills District kaba don ha ki thaiñ khappud bad ka ri Bangladesh, ka pdiang sngewbha ïa baroh ki kyrtong (candidate) ki ban ïakhun ïa kane ka Assembly Election ka ban wan bad ha kajuh ka por ka Dorbar Shnong ka khang pyrshah ïa kito kiba ïakhun ia ka MLA election bad kiba wan ïalap election ba kim dei satia ban wan sam pisa bad sam kyiad ïa ki paidbah nongshong shnong bad lada ka Dorbar Shnong ka lap ïano ïano kiba pynkhieñ ïa kane ka hukum, ka Dorbar Shnong Hingaria kan pynshitom da kaba tyngeh katkum ki aiñ synshar shnong.
Katkum u kyrwoh na u Waheh Shnong Hingaria, u bah Thepmon Khonglah, u ong ba ka Dorbar Shnong naduh ki por ba mynshwa ruh kam ju ailad satia ban die kyiad bad ban ïa dih kyiad hapoh shnong poh thaw namar ba ka jingdih kyiad ka ju lam sha ka jingjot ka imlang ka sahlang bad ka ktah ruh ïa ka shongsuk, shong shngaiñ hapoh shnong, kumta ka bor synshar shnong jong ka shnong Hingaria ka maham ïa baroh kiba wan ïalap election hapoh shnong ba kim dei da lei lei ruh ban sam kyiad bad sam pisa ïa ki nongshong shnong, hynrei ki dei beit ban kren ban ïalap beit ïa ka nongrim ba ki ieng kum ki nongmihkhmat sha ka saiñ pyrthei.

Leave A Reply

Your email address will not be published.