Shillong, Nailur 01: Ïa ka met jong u Bah D. Plaslanding Ïangjuh uba la dap ruh 89 snem bad u MLA barim ka Mawsynram konstitwensi la tep don burom ha lum jingtep jong ka balang Presbyterian ha Lawjynriew ha sngi U Blei.
U Bah Ïangjuh uba shong ba sah ha Lummawri, la rah noh sha ïing sah bad u khun u Bah Manhiam Marbaniang ha Lumsohphoh bad ïa ka jingpyndon burom khatduh ïa met la pyndep ha Lumsohphoh.
U Bah Ïangjuh u la jop ïa ka MLA na ka Mawsynram Konstitwensi ha u snem 1998 haduh 2008, ha kane ka jinglong MLA u la long ruh u Myntri ka sorkar bad u la long ruh u MLA na katei ka konstitwensi la kumba laisien.
Ki nongïalam seng saiñ pyrthei, ki Myntri sorkar, ki MLA ki MDC kila ïapoi ban peit khatduh bad ban pyndon burom khatduh ïa u tei u riew rangbah uba la noh syniang ha ka jylla kum u nongmihkhmat paidbah.
Ha kane ka sngi la ïoh jingkren na ka liang jong ka Kur Ïangjuh, na ka liang jong ka shnong Pomblang, na ki ksiew bad u khun bad hadien bad hadien kane la pyndep ïa ka jinglehniam ban pyndon burom khatduh ha phyllaw ïing, ha ka jingdonlang kiba ha ïing ha sem bad ki lok ki jor, na ka Balang.
