Shillong, Nailur 01 : Ki Pulit ka Laitumkhrah Police Station, kila kem ïa uwei u briew ba shah kynnoh lehbeijot ïa kawei ka kynthei ha ka shnong Malki, Shillong ha ka sngi Saitjain.
Kane ka lanot kala ujor da ka ejahar ha Laitumkhrah Police Station ha ka miet sngi Saitjain, bad pyntip ba kane ka jingjia kala jia hi ha kane ka sngi bad jer kyrteng ïa arngut ki briew.
Ki Pulit ka Laitumkhrah kila ïoh ban kem ïa uwei na kiba shah kynnoh uba la tip kyrteng da u Andy Malngiang ba 19 snem ka rta. Uwei pat uba shah kynnoh u kyrteng u Reuben Mawthoh, uba dang phet rieh.
ïa u Andy la phah sha ka Judicial Custody ba 14 sngi hapoh ka kyndon 351 (3) bad 70 (1) jong ka Bharatiya Nyaya Sanhita (BNS), 2023.
