Khliehriat, Jymmang 15: Kum shibynta ban wanrah ia ka jingithuh ithaw para kur ha East Jaiñtia Hills District, mynta ka sngi la seng ia ka Kur Blah ha Ladrymbai Khliehdupon bad la jied ruh ia ki nongkitkam kur bad ki dkhot kiba peit ia ka bha ka miat jong ka kur ka jait.
Ha katei ka jingialang la jied ia u President, u bah Akbar Blah, Vice President, u bah Kyrshan Blah, Secretary, u bah Riban Blah, Adviser, u bah Wansuk Blah bad i kong Jubida Blah, Tresurer, i kong Merun Blah.
Haba kren ha ka jingialang, u bah Akbar Blah, u la kyntu ba donkam ban don ka jingiatip para kur hapoh East Jaiñtia Hills District ba ka kur ka jait kan skhem, u la ong ruh ba ka kur Blah ka dei ka kur ka jait kaba don akor, don burom.
Kumjuh ruh, na ka liang jong u vice President, jong ka kur, u bah Kyrshan Blah, u la kyntu ia baroh ki kur ki jait ba ki dei ban bat ia ka akor ka burom ban long ruh kiba tip kur, tip kha, tip man naduh kane ka sngi.
