La rakhe pyndonburom ia ka sngi kyrpang jong ki Nurse ha Khliehriat, East Jaiñtia Hills District

Khliehriat, Jymmang 13 : Ka kynhun jong ki Nurse ba la tip kum ka TNAI, kaba hapoh ka jingialam i Kong Jenny. M. Dkhar bad i bah Mihsalan Dkhar kiba dei kum ka President bad Secretary jong ka kynhun jong ki Nurse ha East Jaiñtia Hills District, hynnin ka sngi thohdieng, ka la pynlong ia ka prokram kaba kyrpang ha kaba la rakhe pyndonburom ia ka sngi kyrpang jong ki nurse, ia ka prokram la pynlong ha Khliehriat bad u MDC jong ka Khliehriat, u bah Fineliness Bareh, u la long kum u kongsan ha kane ka sngi. Ka phang pdeng jong kane ka jingrakhe ka dei “Ki nurse jong ngi, ka lawei jong ngi”( “Our Nurses, Our Future”)
Kiba la ia don ryngkat lang ha kane ka sngi ki kynthup ruh u Dr. S.T.S Momin, uba dei u Medical & Health Officer Incharge jong ka Khliehriat Civil Hospital, ki nurse bad ki nongtrei jong ka hospital Khliehriat.
. Haba kren kum u kongsan, u bah Fineliness Bareh, u la ai ki kyntien kyntu kynpham ia ki nurse bad u la ai mynsiem ruh ia ki ba kin nang lah ban trei kham bha shuh shuh ia ka kam ban shakri ia kiba pang ba shitom, ha kajuh ka por u la ai ruh ia ki kyntien kitbok kitrwiang ia baroh ki nurse ba kin nang ioh ka bor bad ka jingstad ban shakri ia ki paidbah kiba donkam ia ka jingiarap jong ki.
Ha kane ka sngi, la pyn byrngia ruh da ki prokram bapher bapher ba la wan ban iashim bynta da ki nurse bad ki nongtrei kiba na Khliehriat Civil Hospital, na ki CHC bapher bapher bad na ki PHC kiba don ha East Jaiñtia Hills District.