Pyndep ki 49 ngut ki samla ïaka kam Security Guards na Iooksi Umdeinlin Tornado Security Agency West Jaintia Hills

0

Jowai, Jymmang 13: Ki 49 Ngut ki samla shynrang bad kynthei kiba wan na ki shnong ki bapher bapher kila pyndep ïa ka jingshah hikai ban long ki Security Guards ha ka 3 Batch na ka Iooksi Umdeinlin Sub-Center Tornado Security Agency West Jaiñtia Hills.
Kitei ki samla kiba la shah hikai haduh 45 sngi la khmih hapoh ka jingpeit u ma P. Muksor Camp Commander & Training incharge jong katei ka jaka ai jinghikai, hynnin ka sngi 11 tarik na ka liang ka ka kong C. Lyngdoh kaba long ka DSP jong ka West Jaiñtia Hills District kala wan ban long kum ka kongsan ha ryngkat u symbud kongsan ma Fernando Ssumer. Katba ïa kane ka passing out parade la shim ban pynbam smai da Rev.N.K. Syngkli.
Na ka liang ka kongsan haba ai jingkren kala ai ka jingkitbok kit rwiang ïa kiba pynïaid ïa kane ka Training centre namar ka long kum ka shlem jingïarap ïa ki khynnah samla namar ha kine ki sngi ba mynta ka long kaba eh ïa ki khun samla ban ïoh kam ïoh jam ha ki Department bapher bapher, kala la ong lyngba kane ka training ka ïarap shibun ïa kiba wan ban ïoh jinghikai na kane ka Security Agency.
Na ka liang u ma P. Muksor ula ong ba ka long kaei kaei kaba ngi ïoh mynsiem ha ka jingwan ban donlang jong ka madam C. Lyngdoh bad kumjuh ruh ïa ki kmie ki kpa jong ki khynnah kiba wan ban ïashim bynta lang ha kane ka sngi. Shuh shuh u ma P. Muksor ula kyntu ïa ki khynnah samla ba lada ki khun samla ki don shisha ka mynsiem da kaba ong ïa kine ki kyntien wat juh duh jingkyrmen kumba ong ka ktien u Blei Mathaios 7:7 “To pan, te yn sa ai ha phi, To wad te phin sa shem,To tied te ynsa pli ïa phi”.

Leave A Reply

Your email address will not be published.