Shillong Kyllalyngkot 21 : Ka sorkar Meghalaya ka la pynrung mynta ïa ka The Retina Centre hapoh ka Meghalaya Health Assurance Scheme.
ïa ka jylla Meghalaya la tip kum kawei na ki jylla kaba la kiew ha ka jingnang jingstad kaba khlaiñ ruh ban pynsngewthuh paidbah shaphang ka jingdonkam ban sumar khmat. Wat hapdeng ki diengpynkiang kiba bun ïa ka jylla hynrei ka sorkar ka ïeng rangbah ban ïada ïa la ki trai shnong ban ai jingsumar bha ïa ki khmat bad ba kin lait ban leit shah sumar sha kiwei pat ki jaka.
Naduh une u Kyllalyngkot 2024, ki nongshong shnong ka nongbah Shillong kin sa ïoh ïa ka jingsumar kaba paka ïa ki khmat bad ka jingkhublei ka leit nyngkong eh sha ka sorkar kaba la shim ïa kane ka sienjam lyngba ka health insurance scheme. Ka The Retina Centre, ka don ka hospital ha nongbah Guwahati, Assam, kaba la pynrung lang mynta ha ka Meghalaya Health Assurance Scheme, kaba ailad ïa kino kino ban leit shah sumar khlem kano kano ka jinglut jingsep. U Dr. S.U.Ahmed, Senior Consultant & Founder, The Retina Centre, u la ong, “kum kawei na ki hospital sumar khmat ba kyrpang ha Northeast India, ngi sngewkmen ba ngin ai lem ka jingsumar sha kiwei pat ki para briew kiba don jingshitom ha ka khmat. Ngi pynpaw ruh ka jingsngewnguh ïa ka sorkar Meghalaya kaba la kloi ban pdiang ïa kane ka kabu ksiar.”
Ka The Retina Centre, ka hospital surmar khmat ba pawkhmat ha Northeast India, ka ju ai ka jingsumar shaduh ki nongkyndong, bad ïarap ban ai ka jingsumar ba paka ïa kiba pang khmat. Ka sorkar Meghalaya mynta a alpynrung ïa katei ka centre hapoh ka health assurance schemes.
