Mawkyrwat, ‘Nailur 19: Ka Ophis jong ka State Education Mission Authority jong ka Meghalaya (SEMAM) ryngkat ka jingïatreilang ka District Mission Coordinator, SSA, South West Khasi Hills District, Mawkyrwat, ka Station Head ka Red FM, South Asia FM LTD, Shillong mynta ka sngi ka la ïoh ban pynlong ïa ka Road Show Awareness Campaign ryngkat ka jingïatreilang bad ha Ïew Mawkyrwat, South West Khasi Hills District
Ka jingthmu ba kongsan jong kane ka campaign ka long ban ai jingkyrshan ïa ki khynnah kiba khlem leit skul kiba hapdeng ka rta 15 haduh 19 snem ka rta khnang ban ai lad ïa ki ban pynrung kyrteng ha ka National Institute of Open Schooling (NIOS) Open Schooling System, ba kin lah ban pyndep ïa ki jingpule jong ki haduh klas XII.
Haba kren bad ai jingpynshai paidbah ha kane ka sngi, ka kong C. Wankhar, State Out of School Children Coordinator, State Education Mission Authority jong ka Meghalaya ka la ïathuh ba ka jylla ka don haduh kumba 21.7 percent ka drop-out rate bad ka sorkar kmie ka la pynmih ïa ka National Institute of Open Schooling (NIOS) lyngba ka State Education Mission Authority of Meghalaya ba la tip ruh kum ka Sarmagra Shiksha Abhiyan. “Ka jingthmu ka long na ka bynta ban ïit bad kyrshan ïa ki khynnah kiba la pep skul shiteng por khamtam ïa kito kiba wan na ki longïing kiba duk ba kyrduh da kaba pynshlur ïa ki ban bteng ïa ki jingpule lyngba ka NIOS”, ka la ong.
Shuh shuh ka la ïathuh ba haduh mynta don kumba 25 tylli ki NIOS Study Centers ha Meghalaya kum ha East Khasi Hills, West Khasi Hills, West Jaiñtia Hills, Ri Bhoi, and East Garo Hills. Shuh shuh the State Education Mission Authority of Meghalaya ka la buh proposal ban buh kumba 26 tylli ki Additional Study Center sha kylleng ki districts. Ka la ban ruh ba la buh ïa ka NIOS Study Centre ha Maharam Government Higher Secondary School, Mawkyrwat.
Namarkata, ka kong C. Wankhar ka la pynshlur ïa ki khynnah kiba la pep skul shiteng por ban pynrung kyrteng ha kane ka Study Centre da kaba ai mynsiem ïa ki kmie ki kpa ban leit ban ruh ki jingpynshai na ka ophis jong u District Mission Co-ordinator lane u Block Mission Coordinator na ka bynta ban pynrung kyrteng online ha ka NIOS da ka jingthmu ban ai lad ïa ki khynnah kiba ha ki rta 15 haduh 19 naduh ka klas IX haduh XII (ha ki Secondary bad Higher Secondary School).
Lah ruh ban kdew ba ka State Education Mission Authority ka Meghalaya, ryngkat ka Red FM, ki la pynlong ïa kiba kum kine ki Road Show Awareness Campaigns ban pynsngewthuh paidbah halor ki skhim bapher bapher na ka bynta ka bha ka miat jong ki khynnah bad ki samla ha ki distrik bad ha kajuh ka por ka dei ka jingïatrei bad ïasnohkti lang na ka bynta ban kyntiew ïa ka pule puthi bad ban pynduna ïa ka jingpep skul shiteng por jong ki khynnah.
Ha kajuh hi ka sngi, u bah D.G Nongsiej uba dei u Principal jong ka Maharam Government Higher Secondary School, Mawkyrwat ula pynbna paidbah ba la plie ïa NIOS Centre ha kane ka Maharam Government Higher Secondary School, Mawkyrwat ka ban pynmyntoi ïa kito ki khynnah kiba pep skul shiteng por.
Ha kane ka sngi la ïadonlang duh naduh u bah S. Kharbteng, Sub Inspector of Schools, Ka kong Nadine G.B. Jyrwa, District Out of School Children Co-ordinator, Sakmagra Shiksha Abhiyaan (SSA), South West Khasi Hills District, ka kong M. Iawphniaw, District Pedagogy Co-ordinator, Sakmagra Shiksha Abhiyaan (SSA), South West Khasi Hills District bad kiwei de bad u RJ Baio Red FM uba long u nongpynïaid ïa ka prokram ai jingpynshai.
