Khlad ka Samla lud ba kynthih na jrong Auto ha 17mer Ri-Bhoi

0

Nongpoh, 19 Nailur: Kawei ka samla lud kala khlad noh syndon hashen naka jingshitom jur hadien ba kala kynthih na kawei ka Auto Rickshaw kaba dang ïaid ha 17 mer ha Ri-Bhoi District.
Katkum ka jingtip bala ioh lum kane ka jingjia kala jia mynta ka sngi haka por 12:16 eiei shiteng sngi ha kaba kawei ka samla lud (bym pat ioh kyrteng) kaba dang mih na Byrnihat ban leit sha 18 mer kala shong da kawei ka Auto Rickshaw kaba don ïa u number ML 10 B 7656 bala ñiah da u Ramalson Marak 44 snem u ba shong ba sah ha 15 mer ha Ri-Bhoi, hynrei katkum ka jingïathuh utei u nongñiah katei ka samla lud kala kynthih noh najrong auto ha 17 mer haka por ba dang ïaid, ha kaba katei ka samla kala mynsaw jur bad pynkit noh mar mar sha Byrnihat PHC ban ioh ïaka jingsumar, bad namar ka jingshitom kaba jur la pynkit noh ïa katei ka samla sha GMC Hospital Guwahati hynrei katei ka samla kala khlad noh namar ka jingmynsaw kaba la jur.
Naka liang ki bor pulit ki dang pynlong ka jingtohkit halor katei ka jingjia.

Leave A Reply

Your email address will not be published.