La pynlong ïa ka jingïalang hapdeng ki nongïalam ki laitylli ki tnat shipai ha Shillong

Shillong, Jymmang: ïa ka “Tri- Services Eastern Commanders-in-Chief Conference,” ne ka jingïa lang hapdeng nongïalam jong ki laitylli ki kynhun shipai ka EC la pynlong hapoh Headquarter ka Eastern Air Command naduh ka 17 haduh ka 19 tarik mynta u bnai.
Ha kane ka jingïalang la ïa don lang ruh u Lieutenant General Ajai Singh, Commander-in-Chief Andaman bad Nicobar Command, Vice Admiral B Dasgupta, Flag Officer Comman ding-in-Chief, Eastern Naval Command bad u Lieutenant General RP Kalita, General Officer Comman ding-in- Chief, Eastern Com mand (Army), nalor ki ba la shah khot sngewbha ki ba kynthup ïa u Air Marshal DK Patnaik, Air Officer Commanding-in-Chief, Eastern Air Command.
Kane ka jingïalang ka la plielad ïa kine ki nongïalam shipai ba kin ïasam lang ïa ki jingai jingmut halor ki rukom treikam ki ba ïadei bad ki kam ïakhun pyrshah, ka jingpyn khlaiñ shuh shuh ia ki jingtreikam hapoh ki tnat shipai ki jong ki bad ka jingïasngewthuh jingmut lang halor ki ba bun ki mat treikam bad ka ba la poi ruh sha ka jingïa mynjur lang hapdeng kine ki laitylli ki kynhun shipai
Shuh shuh ha kane ka jingïalang kine ki heh nongïalam shipai ki la bishar bniah ruh halor ka jingïaid shaphrang ha ka ba ïadei bad ki ba bun ki rukom treikam ki jong ki naduh ka jingïalang ka ba la dep. Kane ka long katkum u kyrwoh lyngba u Sreeprakash J Wing Commander, PRO Defence , Meghalaya .