La pynlong ïa ka District Level Science Seminar ha Jaiñtia Eastern College, Khliehriat

Khliehriat, Nailar, 20: Ka ophis jong u District School Education Officer, East Jaiñtia Hills District mynta ka sngi ka la pynlong ïa ka District Level Science Seminar halor ka phang “Artificial Intelligence: Potentials & Concerns” bad ïa kane ka prokram la pynlong ha Jaiñtia Eastern College, Khliehriat ha kaba la wan ban iashim bynta da ki khynnah skul kiba na ki skul bapher bapher kiba na East Jaiñtia Hills District.
Ha kane ka seminar ki khynnah kiba la iashim bynta kila ïa batai bad iakren halor shibun kiei kiei lyngba ka power point kiba long ki jingmyntoi bad kiba duh jingmyntoi kiba na ka Artificial Inteligence Technology.
Hashwa ban pynwai ïa ka prokram ka la don ka jingsam ïa ki syrnot bad ki prize sha kito ki khynnah kiba jop ha kane ka jingiakren ha kaba ka Cassandra Sutnga kaba la mihkhmat na ka Little Star Secondary School ka la ioh ha ka kyrdan ba nyngkong bad u Edi Bosco uba mihkhmat na Khliehriat Higher Secondary School bad ka Tyngshaiñhaki Sympli kaba na Sacred Heart Secondary School ki la rung ha ka kyrdan ba ar bad balai.