Nongstoiñ, Nailar, 31: Ka FKJGP Nongtraw Area Unit kawei na ki tnad trei kam jong ka seng kaba peit ïaka bha ka miat jong ka dong ka thaiñ, kum ka dak ka jingkynmaw ieid ïa u (L) Palwanbor Syiem President ba la khlad noh ka West Khasi Hills District ka la pynlong ïa ka knock out football tournament hapoh ka madan football jong ka Nongtraw Sport Club.
Ïa kane ka lympung la plie pyrda ha ka sngi nyngkong da u samla rangbah Anthony Umiong President Maweit circle bad u samla rangbah Endrius Ryntong General Secretary ka Circle, ha ryngkat ka jingsynran lang jong ki dkhot ka Maweit circle bad khamtam jong ka Area Unit Nongtraw.
Ki la don kumba 16 tylli ki team napoh ka area nongtraw kiba la wan ban ïashim bynta. Ha ka sngi sdang ha kaba ka jingïalehkai ka long hapdeng ka Pohlong SC pyrshah ïa ka Umïang SC ha kaba ka Pohlong SC ka la ïoh rah ïa ka jing jop da shi kol la nod. Ha kane ka sngi nalor kiwei pat ki club la wan ban pynshit pynshngaiñ ïa kane ka sngi da ki paitbah ba bun napoh kane ka area.
