Jowai, Nohprah 05: Kawei ka jaka jngohkai pyngngad ba dei trai da u Bah J Syngkon kaba don hajan ka Kupli Dam haka shnong Saphai West Jaiñtia Hills District kaba ai kyrteng ‘Himani Resort’ la plie paidbah ïa ka ha kane ka 2 Tarik bnai Nohprah.
Ha kane ka sngi plie ïa katei ka Resort la wan ban ïadon lang da u ma Lasky Rymbai Dy. CEM JHADC kum i kongsan, ha ka jingdonlang ka kong S. D. Shylla District Tourism Officer Jaiñtia Hills kum ka symbud kongsan, u Rangbah Shnong Saphai ki nongïalam shnong bad kiba haïing hasem ki paralok bad ki para nongshong shnong.
Ha kane ka Resort ki don ki jaka sah, Camping, jaka bam (Restaurant), ki lieng booting, jaka shongkai ba pyngngad harud ka wah Kupli .
