La plie paidbah ïa ka Counselling Centre ha Madan Iing Syiem

0

Shillong, K’Lyngkot, 12 : U MLA barim ka Mylliem constituency uba long ruh u kyrtong ka seng NPP ha kane ka elekshon kaban wan, u bah Hamletson Dohling dang shen u la plie paidbah ïa ka ‘Counselling Centre’ jong ka Synjuk Kynthei Mahila Mandal Mylliem, kaba don ha Mylliem Madan Iing Syiem.
Ïa kane ka Counselling Centre u Bah Hamlet u la pynïoh na ka scheme PMKKKY ha ka jingmang pisa kaba long 18.09 lak tyngka.
Haba kren ha kane ka sngi, u Bah Hamlet haba ai jingkren ha kane ka sngi u la ïaroh ïa ka Synjuk Kynthei Mahila Mandal Mylliem bad ïa ka Dorbar Shnong ka Mylliem Madan Iing Syiem kiba la trei shitom ban buddien ïa kane ka kam.
U la pynpaw ruh ïa ka jingsngewkmen ban ïoh ban plie paidbah ïa kane ka Counselling Centre kaba ka shnong Mylliem ka la khmih lynti da ki phew snem.
“Kyrmen lyngba kane ka Counselling Centre, ka Synjuk Kynthei Mahila Mandal Mylliem kan lah ban trei bad ban shakri kham bha shuh ïa ka shnong Mylliem hi baroh kawei,” u la ong.
Ha kane ka sngi la sakhi lang ïa kane ka jingplie paidbah da u bah PT Passah, Project Director, DRDA, East Khasi Hills District, u bah H Khyriem, Rangbah Shnong, ki dkhot ka Synjuk Kynthei Mahila Mandal Mylliem, ki dkhot ka Dorbar Shnong bad kiwei kiwei.

Leave A Reply

Your email address will not be published.