La plie biang ka Dorbar Shnong Syntung ïa ka Kshaid Rashi ban wan jngohkai

Shillong, Risaw 6 : Ka Dorbar Shnong Syntung, Mawkynrew ka kwah ban pyntip paidbah ba ka la phlie biang ïa ka Kshaid Rashi kaba dei ka jaka jngohkai ban wan jngohkai noh hapoh ka jingpeit jongka Dorbar Shnong Syntung.
Kum ban shu pynkynmaw ba ka jingïoh na ka bai rung sha kane ka jaka la buh ban siew tulop ïa ki Nonghikai ka Skul Shnong. Kumta la kyntu ïa ki paidbah nongwan kai ban wan kai sngewbha bad peit ïa ki kshaid ba noh rymphum bad hakajuh ka por ban burom ïa ki aiñ Shnong ba la buh na ka bynta ka jingsuk jingshngaiñ ki nongwan. Namar ba la shah pynjot ki lieng ha u la lap bah ka Dorbar ka la thied lai tylli ki lieng shong kai bad kawei na kine dei ba la ai sngewbha da ka Tata Steel Company. Ka shnong Syntung ka jngai tang kumba 80 Km na Shillong bad kan shim por ar kynta shiteng ban poi. Kane ka long kat kum ka jingpyntip na u Rangbah Shnong ka Syntung u bah Robat Pale.