Jowai, Lber 01: U DC ka West Jaiñtia Hills District bah B.S. Sohliya IAS mynta ka sngi u la pynmih ïa ka hukum kaba ïadei bad ki nongshong die jingdie harud ki lynti ïaidkjat (Footpath) ne ki rud surok kiba don ha kylleng ki bynta ka Iawmusiang, Jowai.
Na ka liang u DC ula pyntip naduh lashai ka sngi 2 tarik u Lber, 2023 kaba dei ka sngi ñiew vote MLA 2023, la bthah ïa baroh kito kiba ju mlien ban die jingdie ha ki lynti ïaid kjat ba kim bit shuh ban shong die jingdie naduh bala pynbna ïa kane ka hukum.
Kane ka jingïoh lad ki jingshong die jong ki ha ki lynti ïaid kjat kala buh jingeh haduh katta katta ïa ka ïaid ka ïeng jong ki paidbah bad kumjuh ïa ki kali ki mator. Halor kane lada lap ïa kino kino kiba leh pyrshah yn pynshitom ïa ki katkum ki kyndon.
