Jowai, Nailar, 20: Kawei ka samla ba la tip kyrteng kum ka Langki Tyngkra na ka shnong Nongjngi Lumlyngdoh kaba la jah na la ïing naduh ka 16 tarik mynta u bnai la lap noh ha ka janmiet Lah Sngi u Blei ha ka por 9:30 baje mynmiet da ka HNYF West Jaiñtia Zone hapoh ka jingïalam jong u Vice President u C.R. Ryngki.
Ka seng ka pynpaw ïa ka jingsngew nguh ïa u Blei ba uba la don ryngkat lem bad ka ïing ka sem jong ka kong Kop Tyngkra hi baroh kawei. Ka HNYF West Jaiñtia Zone, ka ai khublei ïa ki paidbah jong ka Bri u Hynñiewtrep baroh kawei kiba la ïatreilang ban wad ïa ka samla kaba la jah.
Ka seng ka kyntu ïa ki paidbah kiba shem jingeh ba kin sngewbha ban pyntip sha ka seng.
