Jowai, Jylliew 24: U Deputy Commissioner & Chairman ka DDMA, West Jaiñtia Hills District ula kyntu ïa ki nongshong shnong kiba shong ba sah harud ka wah Kopili bad ki jaka ba shawah jong ka Dam Khandong ka Kopilii Hydro Power Station, Umrangso, Assam ba kin long kiba husiar namar ka jingbteng jong ka jinghap u slap.
Katkum ka jingtip ba la ïoh lum na ki bor pynïaid ka Dam, ïa ki khyrdop No.1,4 bad 7 jong ka Dam Khandong la plie nyngkong ha ka 17 tarik u Jylliew, 2026, ha kaba la pyllait um ka long 43 Cumec sha ki bynta ka wah Kopili. Hadien kata la pynbun ïa ka jingplie ïa ka khyrdop ha ka 18 tarik u Jylliew, 2026 kaba la pynlong ïa ka jingpyllait ïa ka um kumba 157 Cumec.
La kyntu ïa ki nongshong shnong kiba sah sha ki bynta ka wah Kopili bad ha ki jaka ba shawah ka dam ba kin long kiba husiar bad ban kiar na ka leit ka wan shajan jong ka wah bad ban pynjngai ïa ki jingri jong ki kum ka lad jingïada ïa ki.
