Kyrshan ka KJCLF ban pynbha ïa ka Reservation Policy

0

Shillong, Jymmang 30: Ka jingdawa seng VPP ban pynbha noh ïa ka Reservation Policy kala nang ïoh jingkyrshan, haba ki nongïalam Balang ha Ri Khasi Jaiñtia ki la pynpaw ba ïa kane ka Polisi kaba la treikam mynta la palat sanphew snem la dei ban pynthymmai noh.
Ki nongïalam Balang hapoh ka Shatri jong ka Khasi Jaiñtia Church Leaders Forum (KJCLF) lyngba ka kyrwoh ba la pyllait da u Rev. EH Kharkongor ka Kynhun ka ong ba ha ki por mynshuwa kane ka Polisi ka dang biang, hynrei haba peit bha ha kine ki sanphew snem, la idei ban pynthymmai noh ïa ka da kaba pynbeit noh ïa kaei kaba la bakla sanphew snem mynshuwa. “Kane kadei kaba ngi la ïaphylliew jingmut mynta ka sngi ka ban long ka jingbha na ka bynta ki Samla bad ka lawei ka ban wan ka jong ki ha ka liang ka ïoh kam ïoh jam”, la ong kane ka Kynhun.
Kumta na ka liang ki Nongïalam Balang ki kyntu ïa ka sorkar ba kan leh kloi ïa kane ka kam na ka bynta ka jingbha lang jong baroh.
Ha kajuh ka por ka Forum ka kyntu ruh ïa baroh ban duwai na ka bynta ka jingwanphai ka shongsuk shongsaiñ ha jylla Manipur.

Leave A Reply

Your email address will not be published.