Kyrpad u Conrad ïa ki paidbah ban long kiba jai jai namar lah kut ka Election

0

Shillong, Lber 03 : U National President ka NPP u Conrad K Sangma ula kyntu ïa ki paidbah ban long kiba jai jai noh bad ban kiar na ki jingpynkulmar na ka kam saiñ pyrthei namar ka elekshon kala kut.
Kane ka jingkyntu ka la mih halor ki jingkulmar kiba mih ha ki lai tylli ki Constituency-ka Mairang, Shella bad Mowkaiaw tang hadien ba dep ñiew vote hynnin ka sngi.
“Ka jingkulmar kam dei ban mih. Ngi sngewthuh ïa ka jing sngew, hooid ki paidbah ki sngewsih ha kum kane ka por ta ka daw kala mih ki jingkulmar ha ki jaka bapher bapher hynrei kiei kiei baroh ki la jai jai noh” ong u Conrad.
“Nga kyrpad ïa ki briew jong ki seng saiñ pyrthei bapher bapher ba ka elekshon ka la kut bad ngi la pyndep ïa ki kam ki jam kat kum ka riti synshar paidbah ka Ri bad ka huri hura kam dei ka lynti. Nga kyrpad ïa ki Party ban nym ïashim bynta ha kino kino ki jingpynkulmar shnong ” ula bynrap.
Ha kajuh ka por, u Conrad ula ong ba ka Party kala trei shitom khlem shongthait na ka bynta u paidbah ha kine ki san snem bala leit noh bad ka jingjop ka dei namar ki paidbah kila ailad biang ïa ka party ba kan nang jam shakhmat.

Leave A Reply

Your email address will not be published.