Kynmaw ki paid Meitei ba sah ha Shillong ïa ka jingdap 3 snem ka jingïaumsnam ha Manipur

Shillong, Jymmang 3: Ka Manipuri Elders’ Consortium Shillong mynta ka Sngi U Blei, ka la kynmaw ïa ka jingdap 3 snem jong ka jingïaumsnam ha Manipur da kaba pynlong ïa ka mat ïatai halor ka phang “Manipur and Meitei: The Road Ahead” ha Phunga Heritage, Laitumkhrah.
ïa kane ka prokram la pynlong da ka MECS, kum ka jingdap 3 snem ka jingïakynad naduh ba ki jaidbynriew Meitei ki la shah thombor ha la ka jong ka jaka ha Manipur kaba la sdang ha ka 3 tarik u Jymmang 2023.
Ki jaidbynriew Meitei kiba trei ha ki bynta ki bapher bapher kiba shong basah hapoh ka nongbah Shillong ki la wan ban ïashim bynta bad ban pynpaw ïa ki jingsngew bad ïa ki jingïohi jngai ki jongki ban ïada ïa ki jaidbynriew Meitei bad ban wanrah biang ïa ka hsongsuk shongsaiñ hapoh ka jylla Manipur.
Ha kane ka prorkam, la pynlong ïa ka jingsngap jar kaba shi minit bad la thang ruh ïa ki mombati kum ka dak ban kynmaw burom ïa kito kiba la duh noh ïa la ka jingim naduh ba la mih ka jingïakynad ha ka 3 tarik u Jymmang.