Kurup ki Pulit Umkiang ar tylli ki motor bike na Wahkoh, Umkiang

0

Khliehriat, K’lyngkot, 11: Ki Pulit jong ka Umkiang Patrolling Post, East Jaiñtia Hills District ha ka sngi Saitjaiñ ki la kurup bad rah noh sha thanat ïa ki ar tylli ki motor bike ki bym don trai bad kiba la shu iehnoh ha kawei ka jaka khlaw ha ka shnong Wahkoh.
Katkum ka khubor na ki Pulit, la pyntip ba ha ka por 4:00 baje mynstep katba ki dang pynlong ïa ka jingiaid pahara ha ka thaiñ Wahkoh kaba don ha ka shnong Umkiang kynsan kynsan ar tylli ki motorbike ki la wan na ka thaiñ Ratacherra bad kiba ñiah ïa kine ki motorbike ar shaka ki la pynher stet haduh katta katta kat haduh ba kane ka pynsuba jur ruh ïa ki Pulit.
Mar mar ki Pulit ruh ki la kthong ïa thuk thuk ar shaka bad pyrshang ban pynsangeh ïa ki hynrei ki nongñiah ar shaka ki la ïoh ban phet krad da kaba shimkabu ïa ka jingdum jong ka step phyrngap.
Katba ki Pulit ki dang kthong, ki la lap ïa ki ar tylli ki motorbike na kawei ka jaka khlaw ha ka dong Wahkong ha Umkiang.

Leave A Reply

Your email address will not be published.