Shillong, Naiwieng, 26: Ki shipai BSF jong ka 4th Battalion kiba ap pahara ha khappud ha ka Lah Sngi u Blei ki la ïoh bat saw tylli ki kali kiba kit ïa ka shini ba la thmu ban shalan tuh sha ka ri Bangladesh hajan lad Shnongpedding, kaba don ha khappud ba dang hap hapoh u pud u sam jong ka East Khasi Hills District, Meghalaya.
Na kine ki saw tylli ki kali, ki shipai BSF ki la ïoh kurup 15,000 hajar kilo ka shini ba shongdor palat T.6 lak.
Ïa ka shini bad ïa ki kali ba la ïoh kurup la aiti noh sha ophis Customs ha Dawki na ka bynta ban pynlong ïa ka jingtohkit kaba bniah katkum ki kyndon jong ka aiñ.
