Shillong, K’lyngkot, 24: Ki shipai BSF jong ka 110 Battalion kiba la ïoh ïa ka jingtip kaba bniah ha ka sngi Baar ki la pynlong ka jingap ktem bad ïoh bat ïa kawei ka kali hajan ka shnong Bholaganj kaba don hajan khappud bad kaba hap hapoh ka East Khasi Hills District.
Na kane ka kali, ki shipai BSF ki lap ïa ki jaiñ ba la song bha kiba shongdor palat 10 lak ïa kiba la thmu ban khaïi sha ka ri Bangladesh.
Ki Shipai ki la kurup noh ïa ka kali hadien ba u nongñiah um shym la lah ban pyni ïa ki dulir kiba biang ban kit ïa ki jaiñ. Ïa une u nongñiah kali bad ïa ki jaiñ ba la ïoh kurup la aiti noh sha ka ophis Custom ha Bholaganj ban leh a kaba donkam katkum ki kyndon jong ka aiñ.
