Nongstoiñ, K’lyngkot, 24: U Deputy Commissioner (Excise) jong ka West Khasi Hills, u la pyntip ba katkum ka bor ba la pynkup ha u hapoh ka section 324-A jong ka M.E Act (Assam Excise Acts and Rules as adapted) u la pynbna ba ha ka 26 tarik kaba dei ka sngi jong ka jingrakhe kyrpang ?a ka Republic day la pynbna paitbah kum ka sngi tyrkhong kyiad ha baroh jong ka district.
Kumta u la bthah ïa baroh ki dukan die kyiad pyrsi bad IMFL ki bar, Hotel, Bonded warehouse ba ki dei ban khang khyrdep ïa la ki dukan ha katei ka sngi. Lada lap ïa kiba leh pyrshah yn pyn shitom ïa ki hapoh ka kyndon aiñ kaba la teh.
