Shillong, Kyllalyngkot 30 : Ki shipai BSF jong ka 04 Bn kiba pahara haka thaiñ khappud jong ka East Khasi Hills, hynne ka sngi kila ïoh ban kurup 25 tylli ki masi kiba thmu ban khaïï be-aiñ sha ri Bangladesh.
Ki shipai BSF kiba pahara ha ka thaiñ Nongskhen, East Khasi Hills haba kila sakhi ba ka la don ka jingïalam ïa ki masi ha khappud bad ka ri Bangladesh lyngba kawei ka khlaw daki nongkhaïï masi,ki BSF kila leit ban tuklar mardor bad kitei ki nongkhaïï masi kila phet krad bad ïehnoh ïa ki masi ha katei ka jaka.
Ki BSF kila ïathuh ba man la ka por ki nongkhaïï masi ki ju buhrieh ïa ki masi ha khlaw bad haba ki ïohlad ki ju pyrshang ban pynpoi ïaki masi sha ri Bangladesh na ki jaka ki bym shym la ker ïa u pud u sam.
