Khliehriat, Lber 26 : Ki pulit jong ka Lumshnong Police Station, hynnin ka sngi, katba ki dang pynlong ïa ka jingkhynra naphang ïa baroh ki kali kiba ïaid na katei ka surok national highway-6 ha Lumshnong, ki la ïoh ban kurup ïa u drok heroin uba don 125.19 gram, ïa une u drok la song bha ha ki synduk sabon bad thep bha hapoh pla, la lap ïa une u drok na kawei ka kali sumo kamai kaba don u registration number ML-05 J-8725, na pla jong uwei u nongshong kali , uba song da katei ka kali sumo torist.
Hadien ba la pyndep ïa ki kam kiba donkam kiba katkum ka NDPS Act, ki pulit ki la bat noh ïa utei u nong shnong kali ba kit ïa u drok, uba la tip kyrteng kum u Sanju Haque Lasker, 29 snem kyrta, uba na ka shnong Sonai, Kachudharam , Dakshin Mohanpur, Part-VI, Cachar Silachar bad ki pulit ki la register ejahar pyrshah ïa u ha Lumshnong Police Station, hapoh ka case number 17(3)2023 bad hapoh ki kyndon aiñ (b)/29NDPS Act bad ki pulit ki dang pynlong ïa ka jingtohkit.
Ha kajuh ka por ki pulit ki la kurup noh ruh ïa ka pisa T4500, ka Identity Card, ka Epic, ka addhar, driving license, pan card, e-SHRAM.
