Kum ki nongbishar shim bynta ar ngut ki dkhot ka MeSCMA ha ka Tata Steel Climbing C’ship 2026

By Mawphor Editor On Feb 3, 2026

filter: 0; fileterIntensity: 0.000000; filterMask: 0; captureOrientation: 90; hdrForward: 6; shaking: 0.017486; highlight: 1; algolist: 0; multi-frame: 1; brp_mask: 8; brp_del_th: 0.0015,0.0000; brp_del_sen: 0.1500,0.0000; delta:null; module: photo;hw-remosaic: false;touch: (-1.0, -1.0);sceneMode: 7864320;cct_value: 0;AI_Scene: (-1, -1);aec_lux: 0.0;aec_lux_index: 0;HdrStatus: auto;albedo: ;confidence: ;motionLevel: 0;weatherinfo: null;temperature: 40;

SHILLONG, Rymphang 02: Ka Meghalaya Sport Climbing & Mountaineering Association (MeSCMA) ka sngew sarong ban pynbna ba u Secretary jong ka, u Bah Wallambok Lyngdoh, ryngkat bad ka Kayleigh Petra Nongkynrih, ki la shah khot sngewbha ha ka Tata Steel Adventure Foundation (TSAF) ban long kum ki nongbishar ha ka jingïakob kiew lum jong ka Tata Steel Climbing Championship 2026, kaba la long naduh ka 24 haduh ka 27 tarik Kyllalyngkot 2026 ha Jamshedpur, Jharkhand.
Ka Tata Steel ka la ju don ha khmat ha ka jingpyrshang pynroi ïa ka kam ïalehkai ha ri India. Lyngba ka jingpyrshang ba nyngkong jong ka TSAF, ka jingïakop kiew lum lane ka ‘Sport Climbing’ ka la ïohi ïa ka jingroi kaba khraw ha Jharkhand, bad la khmihlynti ba kane ka jingïalehkai kan nang kiew sha ki kyrdan kiba thymmai ha kylleng ka ri.
Lah ban kdew ruh ba ka Sport climbing ka la sakhi ïa ka jingroi jong ki nongpeitkai ha ka pyrthei naduh ba la pynrung ïa ka ha ka Olympic Games, da kaba ïoh suhthied nyngkong ha ka Tokyo Olympic 2020, bud sa ka Paris Olympic 2024, bad mynta ka la ïaid shakhmat sha ka jingïashim bynta kaba kham heh ha Los Angeles 2028.
Ka Tata Steel Climbing Championship 2026 ka la sdang da kaba jop da ka jingïashim bynta ba shitrhem, kaba la kyrshan da ka kynhun ki riew shemphang na kylleng ka ri. Ka la sakhi ruh ïa ka jingïa shim bynta ki nongkiew lum na ka thaiñ, ki lahduh jong ka ri, bad ki nongkiew lum ba pawnam jong ka pyrthei (elite international athlete) na ki ri kum ka Kazakhstan, Uzbekistan, bad Nepal, kiba da ka jingsngew sarong ki la mihkhmat ïa la ki jong ki ri ha kane ka lympung ïakop kiew lum.