Mairang, Naitung 17: U Myntri Rangbah, u Conrad Sanngma, u la ïathuh ba shen ka sorkar kan sdang ban shna noh ïa ka ophis jong u Deputy Commis sioner ha Eastern West Khasi Hills District, kaba long ka District kaba dang shu plie shi snem tam mynta.
Haba kren ha ka jingïalang ban rakhe kynmaw burom ïa ka jingdap 188 snem ka sngi ïap u Tirot Sing Syiemlieh, u Syiem ka Hima Nongkhlaw uba la ïaleh laitluid na ka sorkar Bilat kaba la long ha Madan Mot Tirot, u Conrad u la ong kane ka ophis kan dei kaba nyngkong eh ban shna namar ba ka la ïoh ïa ka District ba thymmai.
Haba kubur ba kiwei kiwei de ki ophis ruh ki long kiba donkam ban shna noh, hynrei u Myntri Rangbah u la ong ba ka sorkar kan shna noh shuwa ïa ka ophis u DC bad kiwei pat ki jingdonkamyn sa nang leh kham hadien.
Ha shuwa jong kane, u Bah Metbah Lyngdoh,MLA ka Mairang, uba long ruh u Chairman ka State Planning Board, u la kyntu ïa u Myntri Rangbah ban pynbian noh ïa ki jingdonkam ha Eastern West Khasi Hills District bad u la ïathuh ruh ba na ka liang jong u ruh u la ju ïakynduh ïa u Myntri Rangbah na ka por sha ka por ban ïakren halor ka jingdonkam ka District thymmai.
