Shillong, K’lyngkot 31: U Myntri Rangbah ka Jylla Conrad K Sangma mynta ka Sngi Balang, ula ïai ban ba ka Sorkar Jylla ka long kaba kloi ban ïakren ïa ki kam ba ïadei bad ka Meghalaya Lokayukta la ka long bad ka VPP ne bad kino kino kiba kwah ban ïakren halor kane ka phang.
Haba ïakren bad ki nongthoh khubor, u Conrad ula ong ba kino kino kynthup ka Liang Pyrshah Voice of the People Party (VPP) ki lah ban wan bad ïakynduh ïa ka Sorkar ha kano kano ka por ban ïakren ïa kane ka kam.
“Nga tharai kane ka Sorkar ka dei kawei na ki Sorkar kaba kloi bha ban ïakren. Ngim don jingeh satia bad mano mano ruh ki lah ban wan bad ïakynduh ïa ngi” ula ong.
Ka VPP dang shen ka la pynsangeh shipor ïa ka jingïakhih halor ka jingdawa thungkam biang ïa ki Ophisar ba la shong thait, kiba la shah weng kam noh na ka Meghalaya Lokayukta. Kane ka rai kala mih hadien ba ka Sorkar ka la kular ban khot ïa ka jingïalang bad ka VPP ban ïakren ïa kane ka kam.
