Shillong, Lber 26 : U Nongïalam ka Liang Pyrshah ha KHADC, Bah Titos W Chyne ha ka sngi Balang u la ong ba u khmih lynti ba ki Executive Member ba ki dei ban long kiba la pynkhreh bha ïalade haba ki jubab ïa ki jingkylli hapoh Iing Dorbar.
Da kaba ong ba bun ki dang riehtngen ha ka kyntien, ‘I require notice’ na ka liang utei u MDC ba la rangbah bha ha KHADC u la ong ba kum ki Executive Member ki dei ban kiar ban pyndonkam ïa kato ka Rule namar kadei ka kamram jong ki ophisar bad ki Department ban pynbiang ïa ki jingtip.
“Kum ki Executive Member ki dei ban kiar na kaba pyndonkam ïa kato ka Rule (Rule 60) namar kadei ka kamram jong ki Ophisar bad ki Department ban pynbiang ïa ki jingtip khnang ba ki EM kin long kiba la pynkhreh bha ïalade haba ki wan shapoh Iing Dorbar,” bynrap biang u Bah Titos.
