Ki don 12 tylli ki College ba pynïaid ka sorkar, kynthup ïa ka Tura, Shillong, Jowai bad Mendipathar

Shillong, Nailur 05: Ki kolej ba la pynïaid da ka sorkar jylla ha ka jylla baroh kawei ki don 12 tylli bad kine ki don ha ki jaka bapher bapher kum ha Shillong, Jowai, Tura, Mendipathar bad ha kiwei kiwei ki jaka.
Katkum ki khubor na ka sorkar ki ïathuh ba na ki 12 tylli ki distrik, 10 tylli ki don ïa ki college jong ka sorkar bad 2 tylli kim don ïa ki college jong ka sorkar. Ka sorkar jylla ka la ai ka jingmynjur ïa 2 tylli ki jaka ban don ïa ka Model Degree College kawei ka long ha Nongkwa ha Mawthengkut, kaba hap hapoh Mawshynrut Civil Sub division, West Khasi Hills District.
Kawei pat ka Model Degree College ka dei ha Pdeinpoh Chnong kaba hap ha ka elaka Sumer Jalaphet pyllun, East Jaiñtia Hills District. Ka jingshna ïa kine ki ar tylli ki Model Degree College la sdang ha ka 16 tarik Nohprah, 2025 katkum ka por kaba la buh da ka tnad pule puthi ba ai ïa kine ki college, ka jingshna ïa ki yn pyndep ha u bnai Jylliew 2027.