Nongpoh, Naiwieng 25: Ki Pulit ka Tnad Crime Branch ki la pynlong ka jingkhynra kaba jur hadien ba ki la ïoh jingtip ba ka jur bha ka jingkhaïi tuh ïa ka umphniang Petrol bad Diesel hapoh Ri-Bhoi District bad lap ïa bun tylli ki Oil Depot ba be-aiñ ha kane ka District.
ïa kane ka jingkhynra la pynlong da ka Tnad Crime Branch na Headquarter. La ïathuh ba ki pulit kila ïoh ban kurup kumba 2 tylli ki kali kit umphniang (tanker) ba donkti ban khaïi tuh ïa ka umphniang (petrol/Diesel) bad ïoh kem ruh kumba 3-4 ngut ki briew kiba donkti.
Ka khubor ba ïajan bad ki Pulit ka ïathuh ba ïa kane ka jingkhynra ka pynlong ha shilynter ka surok National Highway ha Ri-Bhoi hynrei ïa kine ki Oil depot beaiñ bad ïa ki kali la lap ha ki thaiñ Byrnihat, 20 mer bad ter ter.
La ïathuh ba kane ka jingkhynra kala wan jia hadien ka jingud jingnam jong ki trai Petrol Pump hapoh ka Jylla, ïa ka jingjah/jingsei tuh ïa ka umphniang (petrol/diesel) ha lynti ha ka por ba wan kit na Assam, kaba lam sha ka jingduna ka umphniang ha ki petrol pump khamtam ha Nongbah Shillong.
