Shillong, Risaw 6: U state president ka BJP u Rikman G Momin ha ka sngi ba-ar u la kyntait ïa ki khubor ba ka party ka lah ban pynieng ïa u nongaiktien bad u ophisar barim u bah M Kharkrang na ka bynta ka elekshon sha Shillong Lok Sabha shiteng samoi ka ban sa wan, da kaba ong ba ka jingaplai ka la kut lypa.
Haba kylli hato ka party kan pynieng ïa u Bah Kharkrang, u Momin u la ong da kaba shai, “Ngam tip.”
U la pynshai ba ka party ka la dep ban khang ïa ki aplikeshon bad phah ïa ka thup ktrteng jong ki kyrtong sha ki nongialam ha Delhi.
“La ka long kumno kumno ruh, ka aplikeshon ka la dep ban khang, kino kino ki ba aplai ki don hangta ka thyp bad ngi la dep phah sha ki nongialam ha Delhi”, la ong u Momin.
Katkum u Momin, khyndai tylli ki kyrteng la aiti sha ki nongialam ha Delhi ban bishar na ka bynta ka seat jong ka Shillong Lok Sabha.
Haba kylli la u nongthaw aiñ barim ka Nongthymmai u Dr Jemino Mawthoh u dei u wei napdeng kiba shah bishar, u la ong, “Ngam lah ban ïathuh ha khmat jong phi.”
