Shillong, K’lyngkot 12: Ka Khasi Hills Autonomous District Council (KHADC) lyngba u Returning Officer (RO) jong ka ka pynbna paidbah sha ka Hima Mylliem baroh kawei ba na ka liang ka ophis ka khot ïa kiba don hok ban ïakhun ïa ka eleskhon jied Syiem ha ka hima ba kin thep kyrteng ha lane shuwa ka 16 Kyllalyngkot 2023 ha ka por 12 baje shiteng sngi ryngkat ka bai thep kyrteng kat kum ki kyndon ka KHAD (Appintment and Succession of Syiem, Deputy Syiem, Elector and rangbah Shong of Mylliem Syiemship) Act 2007.
Ka ophis u RO ka pyntip ruh ba ka jingpeit bniah ïa ki kot ki sla kiba thep kyrteng yn bishar ha ka 16 tarik ha ka por 2 baje janmiet.
