Shillong, Jylliew 28: Ka Meghalaya State Olympics Association kaba la tip lyngkot da ka MSOA , hynnin ka sngi ka la pynpaw ïa ka sngewsih halor ka jingkhlad kyndit u Chiranjib Choudhri u ba dei u General secretary barim jong ka MSOA.
Kumban shu pynkynmaw, u Chiranjib Choudhri u la bat ïa ka shuki kum u General secretary jong ka MSOA dei ha u snem 2015 haduh 2022.
Na ka liang jong ka kynhun, ka la ïoh ban pynlong ïa ka jingïalang jong ki dkhot ka seng ha Ophis treikam jong ka ha ka por 12 baje mynsngi, hynnin ka Sngi Balang, bad la ïoh ban pynlong ïa ka jingsngapjar kaba 1 minit kum ka dak sngewlem ïa ka jingkhlad u General secretary barim ka seng.
Hadien kane, la ïoh ban pynsngew ïa ki ktien sngewlem sha ki ba haïing hasem ba jong u tei u rangbah ba la khlad na i Bah John F Kharshiing ryngkat bad i Bah Ian Lyngdoh bad ruh na ki katto katne ki dkhot ka msoa ha ïing sah jong u.
