Kem ki Pulit Umtyra ki nong Bangladesh

0

Khliehriat, Jymmang 2: Ki pulit jong ka Infiltration Check Post ha Umtyra, East Jaiñtia Hills District, mynta ka sngi ki bat bad kem nih ïa ki saw ngut ki briew kiba dei ki nong Bangladesh kiba wan, Jung tuh sah ri India lyngba ki lynti khlaw kiba na East Jaiñtia Hills District, la ong ba kine kiba shah bat kim don satia ïa ki kot ki sla kiba biang kiba lah ban pynshisha ba ki dei ki nong India, kim don ka Passports bad ka Visas kaba biang, ki pulit jong ka East Jaiñtia Hills District mar mar hi mynta ka jan miet tang shu ioh jingtip ha ka por kumba 5.30 janmiet ki la ai ktien kum ka jingpyntip sah u ba dei peit ïa ka Infiltration ha Umtyrta u Sub Inspector, u bah Swer bad kumta la ïoh ban bat ïa kitei ki nong Bangladesh.
Ki khubor pulit ki ïathuh ba kawei ka kali tourist taxi kaba don ïa u registration number ML-11-5376 ka la sangeh ha Umtyra Infiltration Check Post ha kaba ki pulit Umtyra ki la bat ïa ki san ngut kiba la suba nong Bangladesh bad lap ba bad tang u nongñiah ïa ka kali uba la tip kyrteng kum u Warif Uddin Laskar u lah ban sei ïa ki kot ki sal kiba baing katba ki saw ngut kiwei pat la bat bad kem noh namar ba kim don ki kot ki sal kiba baing, kumta halor kane ka jingtohkit ka dang ïaid shakhmat bad haba la tohkit ki la phla ba ki dei shisha ki nong Bangladesh kiba la shu wan rung tuh bad wan rung beaiñ na ka jaka khlaw na shnong Dona kaba na ka thaiñ Narpuh bad kumta la kem noh ïa ki bad pynngat ha ki kyndon aiñ jong ka Foreigner Act, ïa ka ejahar la register ha Khliehriat Police Station.
Ki saw ngut kiba la shah kem ki dei kiba la tip kyrteng kum u Bhar Uddin , 46 snem kyrta uba na ka shnong Barkewon village, District – Syllet, Banglades, u Kamil Ahmed , 28 snem kyrta, uba na ka shnong Barkewon village, District – Syllet, u Koyson Ahmed , 24 snem kyrta uba na ka shnong Panisona, District – Syllet,Bangladesh bad u Faisal Alam, 21 snem kyrta uba na ka shnon Panisona District – Syllet, Bangladesh.

Leave A Reply

Your email address will not be published.