Jowai, Jymmang 27: Ki Pulit jong ka nongbah Jowai ki leit ban kem ïa u wei u nonghikai skul ha nongbah Jowai uba la tip kyrteng u Terrence Sawian na ka ïing sah jong u. Ïa utei u nonghikai la kem hadien ba la don ka jingujor ejahar (FIR) pyrshah ïa u ha Women PS Jowai, da kiba ha ïing jong kawei ka khynnah rit kaba shah hikai ha utei hi u nonghikai.
Katkum ka ejahar la pynpaw ba une u nonghikai ula jrongkti ïa katei ka khynnah manla ka por bad kane kala sdang naduh u bnai Lber mynta ka snem bad bteng haduh mynta mynne.
Ïa u Terrence Sawian ki Pulit jong ka Jowai PS kila kem noh bad mynta u dang don hapoh ka Judicial Custody ïathuh ka khubor Pulit.
