Shillong, Ïaiong 15: Ki pulit ki la ioh biang ïa kawei ka suloi .303 kaba la jah na Mawmluh Cherra Cements Limited (MCCL) ha Sohra bad la kem ruh ïa lai ngut ki samla ha kaba ïadei bad katei ka kam.
Ïa kane ka jingjia la pyntip ha ka 11 tarik mynta u bnai Ïaiong haba ki Home Guards kiba trei ha katei ha MCCL ki la iohi ba la don ka suloi .303 kiba la jah na ka kamra buh tiar jong katei ka ïing. Kumta mar mar la ujor da ka FIR ha Sohra Police Station, kaba la pynlong ban register ïa ka case katkum ki kyndon ba ïadei jong ka Bharatiya Nyaya Sanhita (BNS).
Hadien ka jingtohkit, ki pulit ki la kem ïa arngut ki briew kiba suba donkti ha kane ka kam runar-ba kynthup ïa u Shaiborlang Jyrwa (21 snem) na Marai Thymmai bad u Sawbor Sooting (20 snem) na Mawkisyiem ban tohkit.Ha ka jingtohkit, la kynnoh ba baroh arngut ki la kam ba ki la tuh ïa ka suloi na katei ka karkhana.
Da kaba leh katkum ka jingkren jong ki, ki pulit ki la khynra ïa kawei ka ïing kaba don ha Mawkysyiem kaba dei jong ka kong Alpha Mary Jyrwa kaba dei ka mei ieit jong uwei na kiba shah kynnoh.Ia katei ka suloi kaba la jah, kaba don ïa u number 3709740, la ioh kurup ha ka jingdon lang ki sakhi ba laitluid.
Hadien la kem ïa u suba donkti u ba lai uba la tip kyrteng kum u Teilang Sohkhia (19) na Marai Thymmai.
Baroh lai ngut ki la shah kem bad yn rah ïa ki ha ka ïingbishar ha ka sngi Balang.Ka jingtohkit kaba kham bniah ka dang iaid shakhmat.
