Da kaba thmu ban die tang ban ïoh pisa,tuh ki runar ïa ka suloi 303 na kharkhana MCCL: SP

Shillong, Ïaiong 15: U Superintendent of Police (SP) ka East Khasi Hills Bah Vivek Syiem u la pyntip ba ki lai ngut ki khynnah kiba tuh ïa ka suloi 303 na ka kamra buh tiar jong ka karkhana MCCL ha Sohra, ki thmu ban die ia kane ka suloi ban ioh pisa.
Ki Pulit kila ioh kurup ïa ka suloi ba tuh, kaba don u nombor 3709740, na ka ïing jong ka kong Alpha Mary Jyrwa, ka kmie-ieid jong uwei na kiba shah kem, na Mawkisyiem, Sohra.
Kane ka suloi la pyntip ba kala jah ha ka 11 tarik Ïaiong.
“Ki Pulit ka Sohra Police Station kila shim khia bha ban lapdien ïa ki briew ba donkti bad khatduh hynnin ka sngi, kila ioh kem ïa lai ngut” ong u Bah Vivek.
ki lai ngut la tip kyrteng kum u Shaiborlang Jyrwa, Sawbor Sooting bad u Teilang Sohkhia.
“Ka jingthmu hi ka long ba kin ioh die sha ki briew kiba siat mrad ne sim. Ka jingmut jong ki ka long ba kin ioh pisa n aka.Mano mano ba kwah ban thied tiar siat, khamtam kito kiba kwah ban leit sikar ki lah ban pyndonkam ia ka” ula ong.
U SP u pyntip ba ka jingtohkit ïa kine ki lai ngut ka dang iaid shakhmat haba bynrap “Ngin nang tohkit shuh shuh ia ki.