Shillong, Rymphang 09: Ka khubor ba la ïoh na ki pulit la ïathuh ba ha ka 5 tarik mynta u bnai ha ka por 8 baje mynmied ki la ïoh bat ïa ki artylli ki kali kiba don u nombar ML-14A-0593 bad ML-09A-3830 ha kaba ki la shong haduh 9 ngut ki nong Bangladeshi kiba kyrteng u Md Mostafa ba la 39 snem ka rta, Manir Hussain ba la 38 snem ka rta, Md Manik Mia ba la 32 snem ka rta, Nasir Ahmed ba la 49 snem ka rta, Md Shah Alom ba la 28 snem ka rta, Motaleb Sk ba la 39 snem ka rta, Sofiqul Islam Badshah ba la 29 snem ka rta, Bilal Hussain ba la 36 snem ka rta bad Joel Miah ba la 42 snem ka rta bad laingut ki nong India kiba kyrteng Sengbat R Marak ba la 29 snem ka rta, Prebiush M Sangma ba dang 18 snem ka rta, Samarendro Koch ba la 42 snem ka rta ha shnong Dalamgre (WGH).
Na kitei ki pulit ki la lap bad kurup 12 tylli ki mobile phone, ka pisa kumba T. 29,500/- (INR), ki Aadhaar card bad kiwei ki kot ki sla na ki.
Ha ka jingtohkit la shem ba kitei ki nong Bangladeshi ki la wan rung beaiñ sha u pud u sam ka ri India lyngba ka Sylhet / Silchar, Assam bad hadien pat ki la kynduh ïa u Sengbat R Marak lyngba uwei u riew shimet kiba la ïarap ban pynphai sha ri Bangladesh da kaba siew pisa T. 7,000/- shi khlieh briew. Na ka liang ki pulit ki la kem noh ïa kitei kiba wan rung beaiñ bad kitei ki nong India kiba la ïarap ïa kitei ki nong Bangladeshi.
